Astanalyq Ǵanı Seıdildaev «Qazaqstan Barysy-2015» týrnıriniń qola júldesin ıelendi
ASTANA. QazAqparat - Astanadaǵy «Saryarqa» velotreginde ótip jatqan Ult kóshbasshysy - Qazaqstan Respýblıkasynyń Prezıdenti N.Á.Nazarbaevtyń júldesi úshin qazaq kúresinen «Qazaqstan Barysy» V respýblıkalyq týrnırinde Ǵanı Seıdildaev qola júldegeri atandy. Ol «Jaqsyǵul» laqap atymen shyǵyp júrgen, týrnırdegi eń salmaǵy aýyr palýan Jumanazar Ersultanovty tize búktirdi.
Aıta keteıik, Jumanazar Ersultanov bul joly jartylaı fınalda tek Rýslan Ábdirazaqovtan utylǵan bolatyn. Al Ǵanı Seıdildaev Beıbit Ystybaevty alǵa jiberip alǵan bolatyn.
Aıta keterligi, «Qazaqstan Barysy» V respýblıkalyq týrnıriniń júlde qory 225 000 AQSh dollaryn quraıdy. Onyń ishinde 35 myń AQSh dollary sportshylardyń jattyqtyrýshylaryna beriledi. Al qola júldege ıe bolǵan palýan Ǵanı Seıdildaev 3-orynmen 10 myń AQSh dollaryn ıelendi.
Al birinshi oryndy ıelenetin jeńimpaz Rýslan Ábdirazaqov pen Beıbit Ystybaev arasynda anyqtalady. Ol boıynsha kúmis júldeger, ıaǵnı 2-oryn - 30 myń AQSh dollaryn alsa, «Qazaqstan barysy-2015» atanatyn chempıonǵa - 150 myń AQSh dollary tigilgen.
Aıtýly dodany QR Prezıdenti Nursultan Nazarbaev tamashalaýda. Bul týrnırdi Qazaqstannyń ulttyq arnasy men «Kazsport», sondaı-aq Túrkııanyń «TRT» arnasy jáne Reseıdiń «Boets» arnasy da tikeleı efırde taratýda.
