Astanalyq gandbolshy qyzdar jańa maýsymǵa daıyndalýda
ASTANA. 20 qańtar. QazAqparat - «Astana» gandbol klýby jańa maýsymǵa daıyndalý ústinde, dep habarlaıdy Astana qalasynyń týrızm, dene shynyqtyrý jáne sport basqarmasy.
Qazaqstannyń tanymal mamany Lev ıAnıevtiń jetekshiligimen jattyǵatyn elorda gandbolshylary birer kúnderden keıin Býrabaıdaǵy eki aptalyq oqý-jattyǵý jıyndarynan Astanaǵa oralady. Ótken maýsymda «Astana» gandbolshylary Sýper lıgada tórtinshi orynǵa qol jetkizip, kúsheıtilgen quramda Qazaqstan Kýbogyn utyp alǵan bolatyn.
Qazirgi ýaqytta oqý-jattyǵý jıynyna 14 sportshy boıjetken qatysýda. Olardyń ishinde jańa maýsymda kelgen jańa gandbolshylar - Elena Portovany, Natalıa Kýlakovany, Darıa Mochalovany atap ótýge bolady.
«Qazirgi ýaqytta oqý-jattyǵý jıyndary aıaqtalýǵa jaqyn. Birer kúnderden keıin biz Astanaǵa kelip, jattyǵýdy «Alataý» sport kesheninde jalǵastyratyn bolamyz. Maýsym shamamen 21 aqpanda Almaty qalasynda bastalady. Sondyqtan, daıyndyǵymyzdy pysyqtap alýǵa áli de ýaqyt bar. Komandanyń maqsaty týraly sol kezde aıta alamyz. Degenmen, bıik maqsat qoıatynymyz kúmánsiz. Mundaı oıynshylarmen klýbta tek bir ǵana maqsat bolady, ol - jeńis», - dep atap ótti klýb jattyqtyrýshysy L. ıAnıev.
