Astanalyq ǵalymdar Abaı izimen ekspedıtsııaǵa shyqty
Aqynnyń 175 jyldyǵyna oraı bir top tarıhshy ǵalymdar, qoǵam qaıratkerleri, abaıtanýshylar men jýrnalıst-blogerler 16-19 tamyz aralyǵynda Nur-Sultannan Qarqaraly – Abyraly – Qaınar – Qaraýyl – Semeı – Pavlodar baǵytymen júrip ótpek.
«Hákim Abaıdyń 175 jyldyǵyna oraı «Rýhanııat» ortalyǵy birqatar is-sharalardy uıymdastyryp keledi. «Adamzattyń Abaıy» atty festıval aıasynda 8-31 tamyz aralyǵynda mádenı sharalar ótedi. Sonyń biri – «Uly Abaıdyń izimen...» atty rýhanı sapar. Óskeleń urpaqtyń boıyndaǵy ulttyq ımmýnıtetti kóterip, jastardyń sanasyna úlgi tutar tulǵany qalyptastyrý jáne eń bastysy ulttyq bolmysty jańǵyrtýda mundaı biregeı sharalardyń qolǵa alynǵany elimiz úshin paıdaly, - dep túsindirdi «Rýhanııat» KMM basshysy Erjan Eńsebaı.
Qarqaralyda ekspedıtsııa toby Abaı qonǵan qonǵan Bekmetovtiń tarıhı-mádenı úıine, Qunanbaı qajy meshitine, Álıhan Bókeıhanov bilim alǵan mektepke jáne A. Baıtursynov saldyrǵan mektepke barady.
Sondaı-aq, ekspedıtsııa músheleri Jıdebaıdaǵy Abaı mýzeıine, Abaı-Shákárim kesenesine, Qaraýyl men Aqshoqy aýyldaryna, Eńlik-Kebek eskertkishine, M. Áýezov mýzeıine barady jáne Semeıdegi Abaı eskerktishine taǵzym etedi.
Sapar barysynda aqsaqaldarmen, zııalylarymen kezdesip, Abaı men Alash arystary týraly tyń derek jınaý kózdelgen. Olar elordaǵa kelgen soń, arnaıy jınaq pen beınesıýjet jaryq kóredi.
