Astanalyq fýtbolshylar ıAroslavldiń «Shınnık» komandasymen 2:2 esebimen teń tústi
ALMATY. 24 aqpan. QazAqparat - Keshe Mıroslav Berenek baptaıtyn "Astana" fýtbol klýby Túrkııanyń Antalııa qalasyndaǵy 3-oqý-jattyǵý jıynyn aıaqtady.
Olar bul jıyndaǵy sońǵy baqylaý matchyn Reseıdiń ıAroslavl qalasynyń «Shınnık» komandasymen ótkizgen edi. Kezdesýde serbııalyq Nenad Erıch qorǵaǵan astanalyqtar qaqpasyna engen 2 dopty da ıaroslavldikterdiń belorýssııalyq jartylaı qorǵaýshysy Vladımır Korytko 11 metrlik aıyp dobyn oryndaý arqyly soqty. Oıynnyń birinshi jartysynda brazılııalyq qorǵaýshy Zelao esepti teńestirgen bolatyn. Ekinshi taımda bul múmkindikke komanda kapıtany, qorǵaýshy Qaırat Nurdáýletov ıe boldy.
Al Aleksandr Pobegalov jattyqtyratyn ıaroslavldikter buǵan deıin 9 aqpanda 2012 jyly Qazaqstan Premer-lıgasynda el chempıonatynyń qola júldegeri atanǵan «Aqtóbe» fýtbol komandasynan 1:0 esebimen basym túsken edi. 2003 jylǵy maýsymda Premer-lıga kýbogynyń, al 2003/04 jylǵy maýsymda Reseı kýbogynyń jartylaı fınalyna shyqqan «Shınnık» 2008 jyly Premer-lıgaǵa qaıta oralǵanymen, kelesi jyly qaıtadan Birinshi dıvızıonǵa túsip qalǵan bolatyn. Reseı ulttyq fýtbol lıgasynyń Birinshi dıvızıonynda 2011/12 jylǵy maýsymda olar 4-orynǵa taban tiredi.
