Astanalyq fýtbolshylar Ýkraınanyń «Goverla Zakarpate» komandasyn 2:0 esebimen utty
ALMATY. 20 aqpan. QazAqparat - Túrkııada oqý-jattyǵý jıynyn ótkizip jatqan «Astana» fýtbol klýby Antalııa qalasynda 18-19 aqpan kúnderi ýkraınalyq jáne rýmynııalyq aıaqdopshylarmen joldastyq kezdesý ótkizdi.
Oleg Protasov jattyqtyratyn astanalyqtar Ýkraınanyń Birinshi lıgasynda ótken maýsymda 6-nshy oryn alǵan Ýjgorod qalasynyń «Goverla Zakarpate» komandasynan 2:0 esebimen basym tústi. Al byltyr Rýmynııanyń Ekinshi dıvızıonynda 9-ynshy oryn alǵan Arad qalasynyń «ÝTA» komandasymen 0:0 esebimen tarasty. Astanalyqtardyń kelesi kezdesýi 21 aqpanǵa josparlanyp otyr. Klýbtyń baspasóz qyzmeti taratqan habarlamaǵa qaraǵanda, ázirge qarsylastyń kim bolatyny belgisiz. Ýjgrodtyqtar endi 23 aqpanda Almatynyń «Qaırat» fýtbol klýbymen kúsh synaspaq.
