Astanalyq fýtbolshylar «Seltıktiń» qaqpasyna eki mınýtta eki gol saldy
ASTANA. QazAqparat - «Astana Arena» stadıonynda «Astana» men «Seltık» komandalary arasyndaǵy qarymta kezdesý stadıon ıeleriniń basymdyq tanytýymen jalǵasyp jatyr, dep habarlaıdy «QazAqparat» HAA tilshisi.
Matchtyń alǵashqy taımy 1:1 esebimen teń aıaqtalǵan bolatyn. Ekinshi taım astanalyqtardyń aıqyn basymdylyǵymen bastaldy. Atap aıtqanda, «Astana» sapyndaǵy Serikjan Mujyqov 48 mınýtta gol salsa, 49 mınýtta Patrık Tvýması qarsylastarynyń qaqpasyna úshinshi goldy saldy. 69 mınýtta Patrık Tvýması taǵy bir gol salyp, esepti 4:1-ge jetkizdi.
Eske sala ketsek, alǵashqy oıynda «Seltık astanalyqtardy 5:0 esebimen tize búktirgen bolatyn.
