Astanalyq fýtbolshylar Moldovanyń «Qyzyl búrkitterimen» 1:1 esebimen teń tústi
ALMATY. 5 aqpan. QazAqparat - Búgin "Astana" fýtbol klýby Antalııadaǵy kezekti oqý-jattyǵý jıynyn aıaqtaıdy.
Keshe cheh Mıroslav Beranek jattyqtyratyn astanalyqtar Moldovanyń Orgeev qalasynyń "Qyzyl búrkitter" degen laqap aty bar «Mılsamı Orheı» («Milsami Orhei») komandasymen sparıngtik kezdesý ótkizgen bolatyn.
Eki komanda da qarsylastar qaqpasyna kezdesýdiń alǵashqy jartysynda soqqan doptaryn, oıynnyń ekinshi jartysynda ulǵaıta almaı, teń esepti qanaǵat tutty. 2005 jyly «Vııtorýl» degen atpen ómirge kelgen bul komanda qazirgi ataýyn 2010 jyly ıelengen edi. 2008/09 jylǵy maýsymda Moldovanyń «A» dıvızıonynda úzdik shyǵyp, 2009/10 jylǵy maýsymnan beri Ulttyq dıvızıonda óner kórsetip júr. Sergeı Kleşenko jattyqtyratyn «mılsamılikter» 2010/11 jylǵy maýsymda Moldova Ulttyq dıvızıonynda qola júldeger atanǵan. Ótken jyly ÝEFA Eýropa lıgasynyń irikteý kezeńinde olar qazaqstandyq «Aqtóbe» komandasymen kezdesken bolatyn. Onda 19 shildede óz alańynda 4:2 esebimen basym túskenimen, 26 shildede Aqtóbede 0:3 esebimen jeńilip, jarysty erte aıaqtaǵan edi.
