Astanalyq fýtbolshylar Antalııada Ýkraınanyń «Aleksandrııa» komandasymen joldastyq kezdesý ótkizedi

 Buǵan deıin bul oıyn  Reseıdiń Novosibir qalasynyń («Sibir»)  aıaqopshylarymen  ótedi dep josparlanǵan edi. Reseıdiń Ulttyq fýtbol lıgasynda alǵashqy 2 aınalymnyń qorytyndysy boıynsha 5-inshi orynda kele jatqan «Sibir» búgin Qostanaıdyń «Tobylymen» kezdesýi múmkin. 4 qańtardan beri  Túrkııanyń Sıde qalasynda oqý-jattyǵý jıynyn ótkizip jatqan Novosibir aıaqopshylary erteń sońǵy jattyǵýlaryn ótkizbek. Al Oleg Protasov jattyqtyratyn astanalyqtardyń ekinshi joldastyq kezdesýi 20 qańtarda Moldovanyń Kıshınev qalasynyń «TsSKA-Rapıd» komandasymen ótpek. Joǵarǵy lıgada óner kórsetetin kıshınevtikter qazir óz eliniń chempıonatynda 11-inshi orynda kele jatyr. Bul olardyń bıylǵy maýsymda qazaqstandyqtarmen ótkizetin 3-inshi kezdesýi bolmaq. Buǵan deıin olar aldymen Qaraǵandynyń «Shahterimen» kúsh synasqan edi. Endi búgin astanalyqtarmen,  18 qańtarda tarazdyqtarmen  kezdespek.