Astanalyq emhanalarda «Deni saý ana - deni saý sábı» aılyǵy bastaldy

ASTANA. Qazaqparat - Astanalyq emhanalarda «Deni saý ana - deni saý sábı» aılyǵy bastaldy. 15 maýsymǵa deıin júkti áıelder, jas analar men olardyń balalary «Deni saý ana - deni saý sábı» aılyǵy aıasynda qalalyq medıtsınalyq mekemelerde joǵary bilikti mamandardan tegin konsýltatsııa alý múmkindigine ıe bolady. Bul týraly astana.kz saıtyna Astana qalasynyń ana men balany qorǵaý bóliminen habarlady.

Sonymen qatar, praktıkalyq sabaqtar barysynda elordalyq dárigerler bala emizý prıntsıpteri týraly aıtady, jas analarǵa balany baǵyp-kútý, emizetin analardyń durys tamaqtanýy men balalardy shynyqtyrý boıynsha, sondaı-aq mehanıkalyq asfıksııa men travmatızmniń aldyn alý týraly dárister oqıdy. Otbasylyq juptar úshin otbasylyq qarym-qatynas, balanyń týýyna daıyndyq jáne seriktespen bosanýdyń erekshelikteri taqyrybynda arnaıy ınteraktıvti oqytý sabaqtary, áńgimelesý jáne trenıngter uıymdastyrylady.

Sharalar barlyq qalalyq emhanalarda, «Demeý» oqytý-praktıkalyq otbasylyq medıtsına ortalyǵynda, №1 jáne №2 perınataldyq ortalyqtarda, №1 jáne №2 balalar aýrýhanalarynda jáne qalalyq perzenthanada ótedi. Bir aı boıy turǵyndar tirkelgen orny boıynsha emhanaǵa ózin mazalaǵan másele boıynsha júgine alady.

Eske salaıyq, bıyl Astana qalasynyń Densaýlyq saqtaý basqarmasy ana men balany qorǵaýǵa, qalalyq pedıatrııalyq qyzmetti jetildirýge jáne balalar men júkti áıelderge kórsetiletin qyzmetter spektrin keńeıtýge erekshe kóńil bóletin bolady. Qazirgi ýaqytta 2014-2017 jj arnalǵan pedıatrııany damytý tujyrymdamasy ázirlenip jatyr.