Astanalyq eki karateshi Azııa chempıonatyna qatysady
ASTANA. QazAqparat - Astanalyq eki sportshy Álisher men Birjan Qabdollaevtar maýsymnyń 24-i men 26-sy aralyǵynda Aqtaýda ótken karate-dodan Qazaqstan Respýblıkasynyń chempıonatynyń altyn júldegerleri atandy.
Jeńimpazdar Qazaqstan quramasynyń sapynda qarasha aıynda Indonezııa da ótetin Azııa chempıonatyna qatysady.
Álisher men Birjan Qabdollaevtar Astana qalasy ákimdiginiń «Tolaǵaı» joǵary sport sheberligi mektebinde aǵa bapker Meıramgúl Dýkýevanyń jetekshiligimen jattyǵady. Bapkerdiń aıtýynsha, balalar jeńiske jetý jolynda tabandylyq tanytqan.
- Álisher 8 jasynan jattyǵyp júr, qazir ol 19-da. Ol 18-20 jas sanatynda 60 kg deıingi salmaqta kýmıte baǵdarlamasy boıynsha top jardy. 15 jasynda respýblıka chempıonatynyń júldegeri jáne chempıony bolǵan, al bıyl respýblıkalyq quramamen birge Azııa chempıonatyna barady, - deıdi Meıramgúl Dýkýeva.
Birjan Qabdollaev 16-17 jas sanatynda kata baǵdarlamasynda altyn aldy. Ol da elimizdiń qurama komandasymen Azııa chempıonatynda baǵyn synaıtyn bolady, dep habarlaıdy astana.kz.
