Astanalyq delegatsııa Jahandyq áıelder sammıtine qatysty

Elordanyń resmı saıtynyń habarlaýynsha, bıylǵy sammıt «Áıelder - sandyq tehnologııalar dáýirinde ınklıýzıvti ekonomıkany qurý úshin» taqyrybymen ótken.

Oǵan 70-ten astam elden 1 myńnan astam tabysty kásipker pen saıasatker áıelder osy bedeldi alańda óz tájirıbelerimen ári pikirlerimen almasty. Bul sammıt memlekettik jáne jeke ómirdiń barlyq salalarynda tıimdi damýǵa qol jetkizýdegi jańa kreatıvti oılarmen almasý múmkindigin bere alatyn asa mańyzdy is-shara bolyp tabylady.

«Búgingi tańda bıznestegi basshy áıelderdiń úlesi 42%-ǵa jetip otyr jáne bul kórsetkish turaqty túrde artyp keledi. Astanada bul úrdis ShOB salasynda erekshe baıqalady, sondyqtan ozyq tájirıbeni meńgerýge jáne jetistiktermen bólisýge múmkindik týdyratyn osy sııaqty forýmdardy ótkizý óte oryndy» - dep baıandady «Qalalardyń bolashaǵy» atty forýmda Qazaqstandy tanystyrý barysynda M. Bekturova.

Astana ákimi orynbasarynyń Varshavaǵa sapary barysynda Qazaqstan Elshiliginiń qoldaýymen Polsha elordasynyń Vıtse-Prezıdenti M. Olshevskımen kezdesý uıymdastyrylyp, onyń barysynda Astana men Varshava arasyndaǵy yntymaqtastyqty odan ári nyǵaıtýdyń máseleleri talqylandy. Taraptar qalalyq ákimdikter arasyndaǵy seriktestiktiń ahýaly men áleýetin joǵary baǵalady. Qalany damytý isindegi baı tájirıbeni eskere otyryp, 2020 jylǵa deıingi arnaıy yntymaqtastyq baǵdarlamasyna qol qoıý týraly kelisimge keldi. Sonymen qatar, osy qujat ekonomıkalyq jáne ınvestıtsııalyq seriktestikti damytýǵa baǵyttalǵan sharalardy qamtıtyn bolady. Aldaǵy ýaqyttaVarshavada ótkiziletin NATO Sammıti aıasynda polıak tarapy iri halyqaralyq sharalardy joǵary deńgeıde, sonyń ishinde EKSPO-2017 ótkizý boıynsha Astananyń tájirıbesin zerdeleýge qyzyǵýshylyq tanytty.

M. Bekturova Polshanyń Damý mınıstrliginde ótken kezdesýde polıak bıznes ókilderine Astananyń ınvestıtsııalyq sharttary men basymdy jobalary týraly baıandap berdi. Bul kezdesý Qazaqstan Elshiligi ústimizdegi jyldyń mamyr aıynda uıymdastyrǵan Polsha Damý Vıtse-mınıstri R. Domagalskı-Labendzkı jáne Astana qalasynyń Ákimdigi arasyndaǵy kelissózderdiń jalǵasy boldy. Semınarǵa Qazaqstanda jumys isteıtin jáne yntymaqtastyqqa qyzyǵýshylyq tanytyp otyrǵan Polshanyń 18 kompanııasy qatysty. Kezdesý qorytyndylary boıynsha taraptar Polshanyń qurylys klasterimen belsendi yqpaldastyq ornatýǵa ýaǵdalasty, sondaı-aq turǵyn-úı kommýnaldyq sharýashylyq, balamaly energetıka, aýyl sharýashylyǵyndaǵy qaıta óńdeý jáne kólik-logıstıkalyq jobalary boıynsha yntymaqtastyq múmkindikterin zerdeleý týraly kelisimge qol jetkizdi.