Astanalyq daryndy balalardyń «Trıýmf» baly ótedi
ASTANA. 16 mamyr. QazAqparat - Olımpıada men ǵylymı baıqaýlardyń jeńimpazdary - Astana qalasynyń daryndy balalarynyń qurmetine Astanada jyl saıyn «Trıýmf» baly ótkiziledi.
Bıylǵy jyly bal 25 mamyrǵa mejelenip otyr. Oǵan 200-ge tarta talantty oqýshy qatysýy josparlanǵan, dep habarlady astana.kz saıty qalalyq bilim basqarmasyna silteme jasap.
«Bal maqsaty Astana qalasy mektepterinde oqıtyn, 2012-2013 oqý jylyndaǵy jalpy bilim berý pánderi boıynsha respýblıkalyq, halyqaralyq baıqaýlardyń, ǵylymı jobalar men olımpıadalardyń altyn medali men júldelerin alǵan oqýshylardy jáne olardyń ustazdaryna qurmet kórsetý», - delingen habarlamada.
Marapattaý rásimine QR Bilim jáne ǵylym mınıstri B.Jumaǵulov pen Astana qalasy ákiminiń orynbasary A.Balaevanyń qatysýy josparlanǵan.
Astana qalasy mektepterindegi 9-11 synyp oqýshylary bul balda ózderin naǵyz er jetken jigitter men qyzdar sııaqty sezinbek. Olar úshin kıim úlgisi smokıng nemese qara klassıkalyq kostıým, aq kóılek, qara galstýk; al qyzdarǵa balǵa arnalǵan aq kóılek, aq týflı, qoldarynda mindetti túrde jeldetkish bolýy kerek.
