Astanalyq dárigerler Sandyqtaý aýdanynda qabyldaý ótkizdi
KÓKShETAÝ. QazAqparat - Táýelsizdiktiń 25 jyldyǵy sheńberinde Astanadaǵy Onkologııa jáne transplantologııa ulttyq ǵylymı ortalyǵynyń mamandary Aqmola oblysynyń Sandyqtaý aýdanynda bolyp, jergilikti turǵyndarǵa medıtsınalyq kómek kórsetti, dep habarlaıdy QazAqparat tilshisi.
Delegatsııa quramynda LOR, ýrolog, onkolog, hırýrg, qan tamyry hırýrgi, gınekolog, nevropatolog, ÝZI dárigeri sııaqty mamandar bar. Bilikti mamandar Balkashıno aýylyndaǵy aýdandyq aýrhanada 200-ge jýyq naýqasty qabyldady. Sondaı-aq, nevropatolog Oleg Tıan UOS ardagerleriniń úıine baryp konsýltatıvti kómek kórsetti.
Sapar sońynda aýdan ákimi Asylbek Ismaǵambetovtyń qatysýymen «dóńgelek ústel» uıymdastyrylyp, onda astanalyq dárigerler óz tájirıbelerimen bólisti. Osy rette, aýdan basshylyǵy astanalyq mamandarǵa alǵysyn bildire kele, aldaǵy ýaqytta jıi kelip turýyn ótindi.
