Astanalyq dárigerler «Densaýlyq joly» aktsııasyn ótkizedi
ASTANA. QazAqparat - Elordanyń Lesozavod aýdanynyń turǵyndary úshin №2 qalalyq emhanada jyl saıynǵy "Densaýlyq joly" keń aýqymdy sharasy ótedi, dep habarlaıdy Astana qalasynyń resmı saıty.
Shildeniń 20-24 kúnderi ótetin shara aıasynda saǵat 10:00-16:00 aralyǵynda densaýlyq saqtaý mamandary atalmysh kent turǵyndaryna konsýltatsııalar berip, áleýmettik mańyzdy aýrýlardyń aldyn alý boıynsha qajetti is-sharalardy ótkizip, dıspanserlik baqylaýǵa alady.
Ulttyq densaýlyq saqtaý júıesi memlekettiń básekelestik qabilettiligindegi basty faktordyń biri. Halyqtyń densaýlyǵy eń aldymen áleýmettik-ekonomıkalyq damýǵa áserin tıgizedi.
Eske sala keteıik, jyl saıyn 1 shilde men 31 tamyz aralyǵynda elimizde "Densaýlyq joly - 2015" keń aýqymdy sharasy ótkiziledi. Sharanyń basty maqsaty - aýyl turǵyndaryna qajetti medıtsınalyq kómek kórsetip, salaýatty ómir saltyn nasıhattaý bolyp tabylady.
Sondaı-aq shildeniń 27-31 kúnderi atalmysh aktsııa №6 qalalyq emhanada Promyshlennyı aýdanynyń turǵyndary úshin uıymdastyrylady.
