Astanalyq dárigerler Atyraýǵa baryp, kúrdeli ota jasady

ATYRAÝ. QazAqparat - Quramynda professor Toqan Sultanálıev pen medıtsına ǵylymdarynyń kandıdaty Serik Súleımenov bar Ulttyq ǵylymı onkologııa ortalyǵy doktorlarynyń brıgadasy shuǵyl túrde Atyraý qalasyna bardy, dep habarlaıdy QazAqparat.

Densaýlyq saqtaý mınıstrliginiń málimetinshe, onda anevrızmanyń jarylý qaýpin, aǵzalardyń ıshemııasyn jáne ishperde qýysy aǵzalary nekrozynyń qaýpin eskere otyryp, jedel áreket etý qajet boldy.

Osylaısha, patsıentke Atyraý oblystyq kardıoortalyǵynyń mamandarymen birlesip vıstseraldyq arterııalardy rekonstrýktsııalaýmen anevrızmany kesý operatsııasy júrgizildi.

«Ol torakofrenolýmbotomııadan turdy, sodan keıin ishperde qýysynyń aortasy men vıstseraldyq tamyrlardyń anevrızmalary oqshaýlandy. Qysqyshtardy salǵannan keıin anevrızma alynyp tastaldy, aortada proksımaldyq anastomoz paıda boldy, sodan keıin joǵarǵy shajyrqaı men jalpy baýyr arterııalary kúıdirilip, tigildi. Operatsııadan keıin birden ekstýbatsııa jasaldy», - dep jazdy vedomstvodan.

Operatsııadan keıingi kezeń birqalypty ótkenin jáne jetinshi kúni patsıent odan ári qalpyna keltirý úshin úıine shyǵarylǵanyn aıta ketken jón.