Astanalyq dárigerler arbaǵa tańylǵan qyzdy aıaǵyna turǵyzdy

ASTANA. QazAqparat - Akademık N.J.Batpenov atyndaǵy Ulttyq travmatologııa jáne ortopedııa ǵylymı ortalyǵynyń dárigerlerine Qyzylordanyń 25 jastaǵy turǵyny: «Men óz aıaǵymmen júrgim keledi. Kómektesińiz» dep kómek surap júgindi, dep habarlaıdy QazAqparat.

Týa bitken jetilmegen osteogenezi, eki aıaǵynyń kóptegen deformatsııasy bar qyz birneshe ret patologııalyq synyqtardy bastan ótkerdi, sondyqtan múgedekter arbasyna tańyldy.

Fotosýrette eki jilinshik pen oń jambastyń óreskel, kóptegen deformatsııalary, eki aıaqtyń bulshyqet gıpotrofııasy kórsetilgen.

Uzaq ýaqyt boıy ol konservatıvti túrde emdeldi. UTO dárigerleri basqa tásil arqyly operatsııa jasaýǵa sheshim qabyldady.

Qyzǵa oń jambastyń jáne eki jilinshik súıekteriniń túzetkish osteotomııasy, bloktalǵan plastınanyń sıntezi jáne bloktaýshy sterjenniń osteosıntezi jasaldy. Uzaq ońaltýdan keıin ol aıaǵynan turdy.