Astanalyq dərigerler Zerendi halqyna medıtsınalyq kómek kórsetti
KÓKShETAÝ. QazAqparat - Qazaqstan Respýblıkasy Prezıdenti Іs Basqarmasynyń Medıtsınalyq ortalyǵynan kelgen bir top dəriger Aqmola oblysynyń Zerendi aýdandyq emhanasynda jergilikti turǵyndarǵa medıtsınalyq kómek kórsetti, dep habarlaıdy QazAqparat tilshisi.
Medıtsına ǵylymdarynyń doktory Əmir Ahetov bastaǵan astanalyq dərigerler arasynda neırohırýrg, pýlmanolog, revmatolog, allergolog, terapevt, angıhırýrg, kardıolog, arıtmolog sııaqty mamandar bar.
«Elimizde buǵan deıin de osyndaı sharalar júzege asyrylǵan bolatyn. Respýblıkamyzdyń qaı óńirin alsaq ta, dárigerler jetispeıdi. Búgingi kúni Zerendi aýdanyna astanalyq dárigerlerdiń kelýi asa mańyzdy», - deıdi Zerendi aýdandyq emhanasynyń bas dərigeri Banurjan Jańǵalov.
Bas dárigerdiń aıtýynsha, emhanaǵa kúnine orta eseppen 200-250 deıin adam kelip, dərigerge kórinedi. Emhanada 40-tan astam dəriger jumys isteıdi. Olardyń jumys isteýine emhananyń materıaldyq-tehnıkalyq bazasy jetkilikti. Tek emhanada keı mamandardyń joqtyǵynan naýqastarǵa portal arqyly Kókshetaý jəne Astana qalasyndaǵy emdeý mekemelerindegi dárigerlerge kórinýge týra keledi. Onyń ózin portalda kezek kelgenshe birshama ýaqyt kútýge týra keledi.
Bul joly dərigerler ózderi naýqastardy izdep kelip tur. Sonyń ishinde birinshi sanattaǵy arıtmolog dəriger Nurlan Elýbaevqa 15 adam jazylypty. Kelýshilerdiń arasynda Zerendi aýylynyń turǵyny Aınur Qudabaeva esimdi kelinshek te bar. Onyń dertke shaldyqqanyna 7 jyl bolypty. Osyǵan deıin dəriger maman bolmaǵandyqtan, ol biraz qıyndyq kórip júripti. Bul joly kópten kútken oǵan arıtmolog maman ÝZI-ge barý týraly keńes berdi.
Sonymen qatar, joǵary bilikti dáriger mamandarǵa naýqastar ǵana emes, óz densaýlyǵyna beı-jaı qaramaıtyn deni saý turǵyndar da jolyǵyp, aqyl-keńes alýda. Qan tapsyryp, rentgenge túsip, óz densaýlyǵynyń qanshalyqty saý ekenine astanalyq dárigerler arqyly kóz jetkizýde.
