Astanalyq tsırk «Mahabbatpen, Astana!» ulttyq baǵdarlamasyna shaqyrady
ASTANA. QazAqparat - 24-25 maýsymda EKSPO-2017 halyqaralyq kórmesi aıasynda Astanalyq tsırkte «Mahabbatpen, Astana» ulttyq baǵdarlamasy ótedi, dep habarlaıdy elorda ákimdiginiń baspasóz qyzmeti.
Kórermender astanalyq tsırk ónerpazdarynyń nomerlerin tamashalaıdy: áýe gımnasttary, ekvılıbrıster, jonglerler - vırtýozdar, orys taıaǵyndaǵy akrobattar, úıretilgen ıtter, dalmatınder, kógershinder, shotlandııalyq ponı, túıeler, aıýlar, maımyl Djýdı jáne t.b.
Keshtiń erekshe qonaqtary - Kadylbek Kýngýjınov jeteklik etetin ańyzǵa aınalǵan «Saryarqa jigitteri» atty-akrobatıkalyq ansambli, ol alty jyl boıy Qytaıda gastrólde bolǵan, endi EKSPO qarsańynda eline oraldy.
