Astanalyq «Tsesnabankti» jer astynan qazylǵan jol arqyly tonamaq bolǵan taǵy bir qylmysker quryqtaldy
ASTANA. Jeltoqsannyń 23-i. QazAqparat /Marlan Jıembaı/ - Astanalyq «Tsesnabankti» jer astynan qazylǵan jol arqyly tonamaq bolǵan qylmyskerlerdiń taǵy biri quryqtaldy,
dep habarlaıdy QazAqparat.
Astana qalalyq ІІD memlekettik til jáne aqparat bóliminiń bastyǵy Nurdildá Orazdyń aıtýynsha, 1984 jyly dúnıege kelgen elorda turǵyny qazirgi kúni óz kinásin tolyǵymen moıyndaǵan. Ol jer asty joldaryn qazý kezinde kúnine 20-30 qap topyraqty tysqa tasymaldaǵanyn jáne jaryqtandyrý qurylǵylaryn ornatýǵa kómekteskenin aıtqan.
«Qazirgi ýaqytta onyń qandaı qylmystyq áreketterge barǵandyǵy tergelý ústinde. Eger bul azamattyń jasaǵan qylmysy dáleldense, 6 jylǵa deıin bas bostandyǵynan aıyrý jazasyna kesiledi», dedi ol.
Aıta keteıik, osydan biraz buryn «Tsesnabank» AQ-nyń astanalyq fılıalyna jer astynan qazylǵan jol arqyly tonaýǵa áreket jasalǵan bolatyn. Urylar bank ǵımaratynyń mańynda ornalasqan turǵyn úılerge tıesili garajdardyń biriniń astynan bankke alyp baratyn jer asty jolyn qazǵan. Qazylǵan joldyń uzyndyǵy 75 metr, al onyń bıiktigi adam boıymen birdeı. Aldyn ala esepteý boıynsha, 15 aıdyń ishinde kúdiktiler 118 tekshe metr, ıaǵnı 200 000 tonnaǵa jýyq topyraqty, shamamen 4 myń qapqa salyp shyǵarǵan.
