Astanalyq Býrabaıda eki qyz qalaı sýǵa aǵyp ketkenin aıtyp berdi
ASTANA. QazAqparat - Astana qalasynyń turǵyny Ulan Ábishov Şýchınsk-Býrabaı demalys aýmaǵyndaǵy Kishi Shabaqty kólinde eki qyzdyń sýǵa aǵyp, mert bolǵan oqıǵasyna kýá bolǵan. Bul týraly QazAqparat tilshisi habarlaıdy.
«Biz otbasymyzben kúızelistik jaǵdaıǵa ushyradyq. Kishi Shabaqty kólinde demalyp jattyq. Birneshe saǵat sýǵa tústik. Sosyn jınalyp estelik úshin birneshe sýretke tústik. Sosyn ǵana sol túsirilgen sýretterdiń birinde qaıǵyly oqıǵanyń túsip qalǵandyǵyn bildik», - dedi Ulan Ábishov óziniń Feısbýktegi paraqshasynda.
Onyń sózine qaraǵanda, sýretke eki qyz ben jetkinshektiń ómir úshin arpalysyp jatqan sáti túsip qalǵan. Olardyń úrlengen matrasy qatty jeldiń saldarynan aýdarylyp ketken.
«Olarǵa kómekke birneshe jigit kelgen, alaıda olar tek balany ǵana sýdan aman alyp shyqqan. Ókinishke oraı, qyzdardy qutqara almaǵan. Olar jaǵaǵa jetip qutqarýshylardy shaqyrǵan, alaıda olar tek oqıǵa ornyna bir saǵatqa jýyq ýaqytta jetken. Osy ýaqytta bir syrttan kómeksiz jaǵdaıda otyryp, alańsyz sýretke tústik. Áıelder men balalar jylap jatty. Kólde qutqarý qyzmeti múlde bolǵan joq», - deıdi oqıǵa kýágeri.
Eske sala keteıik, bir táýlik ishinde tyıym salynǵan jerlerde elimiz boıynsha 11 adam sýǵa ketkendigin habarlaǵan bolatynbyz.
