Astanalyq búldirshinderge memlekettik tildegi kitaptar men dıskiler tartý etildi
ASTANA. 2 qyrkúıek. QazAqparat - Memlekettik tildi damytý qory Astana qalasyndaǵy «Kámeletke tolmaǵandardy beıimdeý ortalyǵy» men «Balaqaı» balabaqshasynyń tárbıelenýshilerine kitaptar syıǵa tartty, dep habarlady qordyń baspasóz qyzmeti.
«Qazaqstan - 2050» strategııasynda Qazaqstannyń uzaq merzimdi damýynyń birneshe basym baǵyttary aıqyndalǵan. Sonyń biri - bizdiń kópultty jáne kópkonfessııaly qoǵamymyz tabysynyń negizi retindegi jańa qazaqstandyq potrıotızmdi qalyptastyrý bolyp tabylady. Konstıtýtsııa Kúni qarsańynda qor Strategııany júzege asyrý maqsatynda «Kámeletke tolmaǵandardy beıimdeý ortalyǵy » men «Balaqaı» balabaqshasynda kezdesýler ótkizdi.
"Bul sharanyń maqsaty - balalardyń arasynda memlekettik tildi úırenýge degen qyzyǵýshylyǵyn arttyrý, olardy qazaqstandyq patrıotızmge tárbıeleý, kóp ultty Otanymyzǵa degen maqtanysh qalyptastyrý, qazaq ádebı tilin úırenýge baýlý jáne óskeleń urpaqtyń shyǵarmashylyq qabiletin arttyrý", - delingen habarlamada.
Qazaqstandyq patrıotızmdi qalyptastyrýda osyndaı tárbıelik sharalardyń mańyzy zor. Kezdesý kezinde qor «Kámeletke tolmaǵandardy beıimdeý ortalyǵy » men «Balaqaı» balabaqshasynyń tárbıelenýshilerine memlekettik tildegi 120 kitap pen dıskilerdi syıǵa tartty. Bul - álem ertegileri, oqýshylarǵa jáne mektepke deıingi balalarǵa arnalǵan entsıklopedııalar, tanymdyq balalar ádebıeti, aýdıo-dıskilerdegi ertegiler jáne álem klassıkteriniń ádebıetteri.
