Astanalyq búldirshinder tennıstiń qyr-syryn meńgerýde
ASTANA. 5 naýryz. QazAqparat - Astanadaǵy Ulttyq tennıs ortalyǵynda «Balalar tennısi kúni» is-sharasy bastaldy.
Halyqaralyq tennıs kúnine oraı ótip jatqan sharaǵa 5-7 jasar búldirshinder qatysýda. Olar ózara juptyq jáne jekpe-jek matchtaryn ótkizip, arnaıy sheberlik synyptarda tennıstiń qyr-syryn meńgeretin bolady. Al oq boıy ozyq tanylǵandary elimizge belgili tenısshilermen bir-bir oıynnan ótkizbek.
Jalpy, búginde Qazaqstannyń tennıs federatsııasy balalardy osy sportqa keńinen tartý úshin «Mekteptegi tennıs bastamasy», «10 jasqa deıingi tennıs» sııaqty jobalardy qolǵa aldy. Onyń aıasynda qalalyq mektepterde tennıs sabaqtary ótip, qajetti qural-jabdyqtar jetkiziledi. Qazirgi kezde ondaı baǵdarlamaǵa Óskemen, Kókshetaý, Atyraý, Pavlodar, Aqtóbe, Qaraǵandy, Almaty jáne Astana qalalary qatysýda.
