Astanalyq Botanıkalyq baq jańa aǵashtarmen tolyqty
ASTANA. QazAqparat - QR Konstıtýtsııa merekesin toılaý aıasynda elordadaǵy Botanıkalyq baqta aǵashtar otyrǵyzýdyń saltanatty rásimi ótti, dep habarlaıdy qala ákimdiginiń saıty .
Astanadaǵy Botanıkalyq baq Prezıdenttiń tapsyrmasy boıynsha salynýda. Jalpy aýmaǵy 92 gektar, onyń ishinde kógeldandyrý aýmaǵy - 587 myń sharshy metr. Búginde nysannyń aýmaǵyna shamamen 50 myń kóshet otyrǵyzyldy.
Astanalyq ákimdik uıymdastyrǵan ekologııalyq aktsııaǵa AQSh, Italııa, Iordanııa, Iordanııa Hashımıt Koroldigi jáne Reseıdiń elshilikteri qatysty.
QR-daǵy AQSh elshisi Djordj Krol elordanyń Botanıkalyq baǵyna Soltústik Dakotadan ákelingen 10 myń emen aǵashyn syılady. Italııa elshiligi mıssııasy basshysynyń orynbasary Matteo Petrını 3 sheten aǵashyn otyrǵyzdy, Iordanııa Hashımıt Koroldiginiń elshisi Ahmad Idrıs Innab aqqaıyń aǵashyn otyrǵyzdy. Reseı Federatsııasynyń elshiligin RF-daǵy keńesshi-elshi Aleksandr Mýsıenko óz elderinen ákelgen aqqaıyń aǵashyn otyrǵyzdy.
Esterińizge salaıyq, buǵan deıin Qala kúnin toılaý qurmetine oraı Polsha bıligi syılyq retinde qala turǵyndaryna Eýropanyń júrgeninen jóke, emen, alma jáne sheten aǵashyn ákeldi.
Botanıkalyq baqta qara aqqaıyń, qyzyl úıeńki, úshkir japyraqty úıeńki, sýarmaly úıeńki, qarapaıym arsha, manchjýr jańǵaǵy, sibir maıqaraǵaıy jáne kóshetterdiń ózge de túri usynylǵan. Onymen birge baq aýmaǵynda eki jylyjaı jumys isteıtin bolady.
Aıta keteıik, Botanıkalyq baq osy jyldyń kúzinde ashylady.
