Astanalyq boksshylar Varshavada ótken halyqaralyq týrnırdiń bas júldesin oljalap qaıtty
ASTANA. Mamyrdyń 5-i. QazAqparat /Gúlmıra Álıakparova/ - Ótken sáýir aıynyń sońǵy kúnderi Polsha astanasy Varshavada ótken Felıks Shtamdy eske túsirýge arnalǵan «A» sanaty boıynsha bokstan halyqaralyq týrnırden astanalyq sportshylar bas júldeni qanjyǵalaryna baılap qaıtty.
Sanaly ǵumyryn tutastaı polıak boksynyń kósegesin kógertýge arnaǵan F.Shtamnyń esimi jankúıerlerge jaqsy tanys. 1936-1968 jyldar aralyǵynda jeti birdeı Olımpıada oıyndaryna qatysqan Shtamnyń shákirtteri 6 altyn, 7 kúmis jáne 9 qola medaldi oljalady. Kásipqoı boksshynyń eńbegin ulyqtaýǵa arnalǵan halyqaralyq týrnır uzaq jyldar ishinde dástúrge aınaldy.
Tartysty doda nátıjesinde 1-shi oryndy Qazaqstannyń ulttyq quramasynyń sapynda qatysqan - S.Seıfýllın atyndaǵy Qazaq agrotehnıkalyq ýnıversıtetiniń 1-kýrs stýdenti Danııar Eleýsinov, 2-shi oryndy - atalmysh ýnıversıtettiń 4 kýrs stýdenti Danııar Tólegenov jeńip aldy.
