Astanalyq bıznes QR Prezıdentiniń «Qazaqstanda jasalǵan» aktsııasyn qoldaıdy

ASTANA. QazAqparat - Elordalyq kásipkerlik ókilderi «Qazaqstanda jasalǵan» patrıottyq aktsııasyn iske qosý týraly Prezıdenttiń bastamasyn qoldaıdy. Bul týraly QazAqparat tilshisine Astananyń jeke kásipkeri Áset Jalǵarymov aıtty.

«Memleket basshysy N. Nazarbaev Úkimettiń keńeıtilgen otyrysynda «Qazaqstanda jasalǵan» aktsııasyn iske qosýdy usyndy. Muny eki qolymdy kóterip, «ıá» dep qoldaımyn! Qazaqstanda otandyq taýarlar kóp bolýy tıis degenge tolyqtaı kelisemin. Bastamaǵa oń baǵa beremin. Qazir daǵdarys jaǵdaıynda óz óndirisimizdi damytý mańyzdy. Ónim básekege qabiletti bolýy tıis. Bastysy, baǵa boıynsha básekelesterge jol bermegen jón», - dep atap ótti bıznesmen.

Ol bizdiń ónim sheteldikten esh tómen emes dep sanaıdy. Keıbir jaǵynan tipti artyq, sebebi ekologııalyq taza ónimder. «Prezıdent kúrdeli kezeńde patrıot bolýǵa, qazaqstandyq taýarlardy satyp alýǵa úndedi. Eger taýarǵa suranys ósse, dúkenderde de tez ótedi. Memleket basshysynyń bastamasyn myńdaǵan qazaqstandyqtar, ásirese bıznes ókilderi qoldaıtynyna senimdimin», - dep qosty A. Jalǵarymov.