Astanalyq bir bótelke syra úshin 96 myń teńge tóledi
ASTANA. QazAqparat -Astana qalasynyń ІІD Jergilikti polıtsııa qyzmeti alkogoldi ónimderdi 21 jasqa deıingi tulǵalarǵa satý faktisin anyqtady, dep habarlaıdy QazAqparat.
ІІD Jergilikti polıtsııa baspasóz qyzmetiniń habarlaýynsha, Gete kóshesiniń boıynda ornalasqan dúkenderdiń birinde satýshy etıl spırtimen teń, tórt paıyzdan asatyn alkogoldi «Krýjka svejego» syrasyn, 1997 jyly týǵan P. esimdi azamatqa satqan.
Alkogoldi ónimderdi satyp, QR zańyn buzǵany úshin 1972 jyly týǵan R. esimdi dúken ıesine QR ÁQBtK 200-babynyń 1-tarmaǵy «Qazaqstan Respýblıkasy zańnamasynyń alkogol ónimin ótkizý jónindegi talaptaryn buzý» boıynsha ákimshilik hattama toltyryldy.
«Astana qalasynyń Mamandyrylǵan aýdanaralyq ákimshilik sotynyń sheshimimen R. esimdi azamatshaǵa 40 AEK (96200 teńge) kóleminde aıyppul salynyp, 1 aı merzimge deıin alkogoldi ónimderdi satý lıtsenzııasy ýaqytsha toqtatyldy», - delingen baspasóz baıanynda.
