Astanalyq bı komandasy Ulybrıtanııaǵa joldama jeńip aldy
ASTANA. QazAqparat - Úsh kún boıy Taldyqorǵannyń ortalyq alańynda UKBBOYCHAMPIONSHIP-2015 álem chempıonatyna irikteıtin "Boom-Boom 2015" bı festıvali ótti. Qazaqstannyń túkpir-túkpirinen 14-29 jas aralyǵyndaǵy jas óren óz ónerlerin kórsetip, tájirıbe almasýǵa jınaldy.
Astana qalalyq Jastar saıasaty basqarmasynyń qoldaýymen festıvalge Astana qalasynyń atynan "TwentyThreeStyle" bı komandasy attanǵan bolatyn. Halyqaralyq festıvalderdiń birneshe dúrkin jeńimpazdarynan quralǵan bıshiler komandasy festıvalge biregeı nomerler daıyndady.
Saıys eki kezeńnen turdy. Sońǵy kezeń - bir-birine qarsy battl saıysy óte tartysty ótti. Battl aıasynda qatysýshylar ózderiniń sheberligin, kúrdeli elementterdi kórsetti. Saıys nátıjesi boıynsha elordalyq "Twenty Three Style" komandasy bas júldege ıe bolyp, Ulybrıtanııada ótetin álem birinshiligine joldamany qanjyǵalaryna baılady, dep habarlaıdy elorda ákimdiginiń resmı saıty.
