«Astanalyq» bazarynda jastarǵa arnalǵan konsýltatsııa uıymdastyrylady
ASTANA. QazAqparat - Astana qalasy ákimdiginiń «Astana jastary» kommýnaldy memlekettik mekemesi aǵymdaǵy jyldyń 27 maýsymynda jergilikti atqarýshy organdar ókilderiniń qatysýymen jastarǵa konsýltatsııalyq kómek kórsetý boıynsha is-shara uıymdastyrady, dep habarlaıdy QazAqparat. Bul jóninde atalmysh mekemeniń baspasóz qyzmeti habarlady.
Bul shara «Astanalyq» bazarynda jumyskerler men saýda ortalyǵynyń kelýshilerine arnap ótkiziledi. Árbir azamat óziniń qalaǵan suraǵymen «Jumyspen qamtý ortalyǵy», «Turǵyn úı qurylys jınaq banki», «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamy, "Biryńǵaı jınaqtaýshy zeınetaqy qory" AQ, «Memlekettik áleýmettik saqtandyrý qory» AQ, Astana qalasy ákimdiginiń «Astana jastary» KMM, «Damý» kásipkerlikti damytý qory» AQ, Astana qalasy boıynsha Memlekettik kirister departamenti jáne t.b. mekemelerdiń ókilderine jolyǵa alady. Sonymen qatar, kásibı zańger men psıholog maman konsýltatsııa júrgizedi.
Іs-sharanyń ótkizilý maqsaty - jastardy qazirgi ýaqytta júzege asyrylyp jatqan jáne jas qazaqstandyqtarǵa baǵyttalǵan memlekettik baǵdarlamalarmen tanystyrý jáne qala turǵyndaryna jeke suraqtar boıynsha konsýltatsııalyq kómek berý.
Ótkizilý ýaqyty: 27 maýsym, saǵat 11.00-13.00
Baılanys: 57-01-44, 8 702 626 626 3
