Astanalyq «Barysqa» jańa kapıtan taǵaıyndaldy
ASTANA. QazAqparat - Astananyń «Barys» hokkeı klýby óziniń Youtube-arnasynda jańa kapıtandary tanystyrylǵan vıdeony jarııalady, dep habarlaıdy QazAqparat Sports.kz-qa silteme jasap.
«Barystyń» jańa kapıtany Brendon Bochenskı boldy. 36 jastaǵy forvard atalmysh klýbty 2014/15, 2015/16 jáne 2016/17 maýsymdarda basqarǵan bolatyn.
Sondaı-aq buǵan deıin «Barysqa» Kevın Dallmen (2008/09, 2009/10, 2010/11, 2011/12), Dmıtrıı Ýpper (2012/13, 2013/14) jáne Naıdjel Doýs (2017/18) basshylyq etken edi.
Bochenskı «Barys» úshin 2010-2017 jyldar aralyǵynda oınaǵan bolatyn. Bir jyldyq demalystan keıin astanalyq klýbqa qaıta oraldy. 2015 jyldan bastap Brendon Qazaqstannyń ulttyq quramasy úshin oınaıdy.
Jańa - 11-maýsymda «Barys» klýby 5 qyrkúıek kúni Nıjnekamskide «Neftehımıkpen» kezdesedi. Oıyn Astana ýaqytymen saǵat 22.00-de bastalady.
