Astanalyq «Barys» syrt alańda Mytışıdiń «Atlant» komandasyna ese jiberdi
ASTANA. 21 aqpan. QazAqparat - Keshe Qurlyqtyq hokkeı lıgasy aıasynda astanalyq «Barys» syrt alańda Mytışıdiń «Atlant» komandasynan 2:1 esebimen jeńilip qaldy.
Oıynnyń alǵashqy jıyrma mınýttyǵynda qarsylastar shaıba soǵa alǵan joq. Ekinshi taımnyń 8-mınýtynda «Barystyń» sapyndaǵy Starchenko óziniń komandalasy Hýdıakovtyń pasynan keıin esep ashty. Alaıda nebári 3 mınýt ótkennen keıin jergilikti oıynshylar «Barys» qaqpasyna shaıba engizip, esepti teńestirip ketti. Gol avtory - Levandovskıı.
Úshinshi taımda esep ózgergen joq, oıyn overtaımǵa ulasty. Bul kezeńde «Atlant» oıynshysy Fedorov astanalyq qaqpashy Djefrı Glassty san soqtyryp, «altyn goldyń» avtory atandy. Kezdesý 2:1 esebimen aıaqtaldy.
