Astanalyq «Barys» Máskeý oblysynyń «Atlantyn» jeńdi
ASTANA. Tamyzdyń 11-i. QazAqparat - Seısenbi kúni Astanada Qazaqstan Respýblıkasy Prezıdentiniń Kýbogy úshin hokkeıden birinshi halyqaralyq týrnırdiń alǵashqy kezdesýi ótti. Alań ıeleri Máskeý oblysynyń «Atlant» komandasymen kezdesti, dep habarlady Qazaqstannyń Hokkeı federatsııasynyń baspasóz qyzmetinen.
Oıyn bastalardyń aldynda týrnırdiń saltanatty ashylýy boldy. «Nur Otan» partııasy Tóraǵasynyń birinshi orynbasary Nurlan Nyǵmatýlın jınalǵan qaýymdy týrnırdiń bastalýymen quttyqtady.
Elordalyq hokkeı jankúıerleri asyǵa kútken bul saıysta «Barystyń» jańa 9 oıynshysymen tanysty jáne esepti birinshi bolyp solardyń biri ashty. Kezdesý 4:2 esebimen aıaqtaldy.
Astanalyqtardyń quramynda Maksım Hýdıakov (3.13), Lýkash Kashpar (20.13), Vadım Krasnoslobodtsev (34.14), Irjı Novotny (38.22) kózge tústi. «Atlanttyqtardan» Sergeı Mozıakın (24.19) men Evgenıı Nýrıslamov (50.37) shaıba soqty.
Tamyzdyń 10-y men 14-i aralyǵynda ótetin bul saıysty «Nur Otan» halyqtyq demokratııalyq partııasy men Qazaqstannyń shaıbaly hokkeı federatsııasy uıymdastyryp otyr. Týrnırdiń aqparattyq demeýshisi - «Nur Medıa» medıaholdıngi. Týrnırǵa tórt eldiń, atap aıtqanda Reseı Federatsııasy, Latvııa, Belarýs Respýblıkasy men Qazaqstannyń komandalary qatysýda.
