Astanalyq «Barys» hokkeıshileri «Lev» komandasyn utty
TANA. 21 qarsha. QazAqparat /Rýslan Ǵabbasov/ - Keshe keshkisin Qurlyqtyq hokkeı lıgasy aıasynda Astanada ótken oıynda elordalyq «Barys» slovakııalyq «Lev» hokkeı komandasyn óz aıdynynda 2:1 esebimen utty.
Atap aıtqanda astanalyq hokkeıshiler upaı jınaýda sońǵy kezde ońtaıly oıyndaryn kórsetip keledi. Keshegi kezdesýinde olar «Lev» komandasynan negizgi oıynnan keıingi overtaımda basym tústi.
Tartysty dodanyń birinshi kezeńinde aıdyn ıeleri basymdyq kórsetse de, qonaqtar óz aýmaǵynda qorǵanystyń joǵary sheberligin baıqatty. Osynyń saldarynan elordalyq komanda esep ashý múmkindigine qol jetkize almady. Oıynnyń ekinshi kezeńinde slovakııalyq komandanyń oqtyn-oqtyn shabýyldar uıymdastyrdy. Olar 25 mınýtta «Barystyń» qaqpasynan sańylaý taýyp, esep ashty. Tek oıynnyń úshinshi kezeńinde ǵana aıdyn ıeleri esepti teńestire aldy. Kezdesýdiń negizgi kezeńderi 1:1 esebimen aıaqtalǵandyqtan, qos komandaǵa overtaımda tartysqa túsý múmkindigi berildi. Bunda astanalyq komanda basym tústi. Osy oıyndy 2:1 esebimen jeńispen aıaqtaǵan «Barys», 37 upaımen Shyǵys konferentsııasynda 4 orynda turaqtady. Endi elordalyq hokkeıshilerdiń kelesi kezdesýi Astanada 22 qarashada «Dınamo» komandasymen (Mınsk) ótedi.
