Astanalyq «Barys» Gagarın kýbogy úshin jarysty aıaqtady
ASTANA. QazAqparat - Astananyń «Barys» komandasy QHL pleı-off kezeńiniń ekinshi aınalymynyń altynshy matchynda «Salavat ıÝlaev» komandasyna ese jiberip alyp, Gagarın kýbogy úshin jarysty aıaqtady, dep habarlaıdy Vesti.kz tilshisi.
Kezdesý Ýfa qalasynda ótip, 3:2 esebimen jergilikti komandanyń jeńisimen aıaqtaldy. Oıyndaǵy alǵashqy esepti alań ıeleri ashty. Atap aıtqanda, Ivan Vıshnevskıı 4-shi mınýta ashsa, 13-shi mınýtta barystyq Evgenıı Blohın esepti teńestirdi.
Matchtyń ekinshi kezeńinde birde-bir shaıba soǵylmady. Al úshinshi aınalymda qaqpaǵa úsh birdeı gol soǵyldy. Oıynnyń 43-shi mınýtynda Igor Mırnov erekshe kózge tústi. Al 52-shi mınýtta Anton Slepyshev esepti 3:1 kórsetkishine jetkizdi. Matchtyń aıaqtalýyna 3 mınýt ýaqyt qalǵanda Naıdjel Doýs qarsylastarǵa bir shaıba salǵanymen, alań ıeleri soqqyny odan ári eseleýge múmkindik bermedi.
Osylaısha, kezdesý 3:2 esebimen «Salavat ıÝlaevtyń» jeńisimen aqtaldy. Shyǵys konferentsııasynyń aqtyq synynda ýfalyq komanda magnıtogorlyq «Metallýrgpen» kezdesedi.
