Astanalyq B.Ismadıevanyń úıinde 1945 jyly 10 mamyrda jaryq kórgen gazet saqtaýly (FOTO)

ASTANA. QazAqparat - Astana qalasynyń turǵyny Baqyt Ismadıevanyń úıinde Uly Otan soǵysyndaǵy Jeńistiń tarıhy týraly baıandaıtyn 1945 jyldyń 10 mamyrynda jaryq kórgen «Pravda» gazetiniń sany saqtalǵan, dep habarlady astana.gov.kz.

Atalǵan gazet betterinde beıbit kelisimge qol qoıylǵany jáne soǵystyń aıaqtalǵany týraly maqalalar jaryq kórgen. Baqyt Ismadıevanyń ákesi Áıtken Ismadıev - UOS ardageri. Al anasy Rymjan Nurmaǵambetova soǵys jyldarynda ánshi bolǵan, operalyq arııalardy oryndaǵan. Soǵys kezinde jaýyngerlerdiń rýhyn kóterý úshin maıdanda óz trýppasymen shaǵyn kontsertter qoıǵan. R. Nurmaǵambetova 4 jyl boıy soǵysqa attanǵan joldasyn kútken sol kezdegi kóp áıeldiń biri edi. Soǵystyń aıaqtalǵany týraly habar aıtylǵan soń oǵan kóz jetkizý úshin ertesinde jaryq kórgen gazetti satyp alady. Atalǵan gazet búginde otbasy qundylyǵyna aınalyp otyr.