Astanalyq azamatshanyń úıinen asa iri kólemdegi geroın esirtkisi tabyldy - Kóliktegi Ortalyq ІІD
ASTANA. Qyrkúıektiń 1-i. QazAqparat /Jasulan Amanbaıuly/ - Aǵymdaǵy jyldyń sońǵy 8 aıynda Kóliktegi Ortalyq ishki ister departamenti jedel-izdestirý sharalary barysynda esirtki bıznesine qatysty 282 oqıǵany anyqtady. Bul týraly búgin departament bastyǵynyń orynbasary Maqsut Qabdeshev málim etti, dep habarlaıdy QazAqparat.
Onyń ishinde esirtki saýdalaý boıynsha 38 fakti jáne esirtki tasymaldaý boıynsha 6 oqıǵa tirkelgen.
Polıtseılerdiń osy is-qımyldarynyń nátıjesinde zańsyz aınalymnan jalpy kólemi 131 kılá esirtki zattary alynǵan. Onyń 955 gramy asa aýyr nasha túri sanalatyn - geroın esirtkisi.
Máselen, ІІD Kólik polıtseıleri jáne Jelilik ishki ister bóliminiń qyzmetkerleri Astanada 33 jastaǵy áıeldi ustady. Onyń úıinde tintý júrgizgende, 170 gramǵa tarta geroın zaty tabyldy. Bul asa iri kólemdegi esirtki bolyp tabylady.
Jedel málimetter boıynsha ustalǵan azamatsha aýyr esirtkiniń árbir gramyn 4 myń teńgege satyp otyrǵan. M. Qabdeshevtiń atap kórsetkenindeı, oǵan qatysty qozǵalǵan qylmystyq istiń aýyrlyǵyna baılanysty atalǵan elorda turǵyny 10 jyldan 15 jylǵa deıin bas bostandyǵynan aıyrylýy múmkin.
