Astanalyq áıel sot arqyly iPhone kóshirmesiniń qunyn óndirip aldy

ASTANA. QazAqparat - «Apelsın-2015» JShS ınternet-dúkeni arqyly iPhone 5S smartfonynyń kóshirmesin satyp alǵan áıel, ondaǵy aqaýlardy baıqap, telefon aqshasyn qaıtaryp alýdy sheshken, dep habarlaıdy QazAqparat.

Ol uıaly telefon úshin tólemdi jaýapkerdiń shotyna «poshtalyq aqsha aýdarymy» jelisi arqyly jibergen.

«Uıaly telefonnan aqaý tapqannan keıin, ony qaıta jóneltip, satýshydan aqshasyn qaıtarýdy talap etken. Jaýapker óz kezeginde satyp alýshy talabyna mán bermegen. «Tutynýshylardyń quqyqtaryn qorǵaý týraly» Qazaqstan Respýblıkasynyń Zańyna sáıkes, tutynýshylar tıisti nemese tıissiz sapadaǵy taýardy qaıtarý nemese aıyrbastaý quqyǵyna ıe», - dep habarlady Astana sotynyń baspasóz qyzmetinen.

Astana qalasynyń Saryarqa aýdandyq soty jaýapkerden telefon qunyn óndirý týraly talap-aryzdy qanaǵattandyrdy.

Sot sheshimi zańdy kúshine endi.