Astanalyq áıel donorlyqpen tórt adamnyń ómirin qutqardy
ASTANA. QazAqparat - Elordalyq dárigerler otandyq medıtsına tarıhynda úshinshi ret júrek almastyrý boıynsha ota jasady. Donorlyqqa ruqsat bergen 72 jastaǵy keıýana elimizdiń tórt birdeı azamatynyń ómirin uzartty. Bul týraly ulttyq Ulttyq ǵylymı kardıohırýrgııalyq ortalyqtyń baspasóz qyzmeti habarlady.
Aǵymdaǵy jyldyń 1 aqpanynda ortalyqqa temirjol aýrýhanasynan 47 jastaǵy naýqastyń bas mıynyń ólimi belgilegeni týraly aqparat túsken. Qaza bolǵan azamattyń anasy qaıǵyǵa qaramastan, balasynyń organdaryn donor retinde paıdalanýǵa ruqsatyn bergen.
Belgili bolǵandaı, marqum otbasyn qurmaǵan jalǵyzbasty jan bolyp shyqty. Týystarynan anasy men jalǵyz aǵasy men qaryndasy bar eken. Artynda qalǵan týǵandary marqumnyń organdaryn donor retinde paıdalanýǵa kelisimdi ózderi bergen. Sonyń arqasynda 3 áıelge retsıpıent jasalyp, taǵy bir er adamǵa júrek almastyryldy. Qazir ota jasalǵan naýqastardyń jaǵdaıy qalypty.
Habarlamada úshinshi ret júrek almastyrý otasyn jasaýǵa daıyndyq kezinde elordalyq temirjol aýrýhanasynyń mamandary kómekteskeni de aıtylǵan.
