Astanalyq áıel doktorlyq dıssertatsııa «jazýshyǵa» aldanyp qaldy
ÓSKEMEN. Qazaqparat - Semeılik azamatqa doktorlyq dıssertatsııa jazdyrtyp almaq bolǵan Nur-Sultan qalasynyń turǵyny aldanyp qaldy, dep habarlaıdy QazAqparat tilshisi.
10 maýsym kúni Semeı qalasynyń polıtsııa basqarmasyna astanalyq áıelden aryz túsken. 43 jastaǵy elorda turǵyny ózi jete tanymaıtyn adamǵa doktorlyq dıssertatsııa jazǵyzý úshin 1,5 mln teńge ustatyp qoıa beredi. Ýádeni úıip-tókken er adam qolyna aqsha tıgen kúni-aq telefonyn óshirip, habarsyz ketken.
«Jedel izdestirý sharalarynyń arqasynda kúdiktiniń 56 jastaǵy qala turǵyny ekeni anyqtaldy. Kúdikti óz kinásin tolyq moıyndady. Qazir onyń ústinen Qylmystyq kodekstiń 190-baby 1-bóligi boıynsha sotqa deıingi tergeý bastaldy», - delingen ShQO polıtsııa departamentiniń baspasóz qyzmeti taratqan aqparatta.
