Astanalyq aıaqdopshylardyń quramy jańa oıynshylarmen tolyqty
ALMATY. 14 qańtar. QazAqparat /Erlik Erjanuly/ - Túrkııada oqý-jattyǵy jıynyn ótkizip jatqan «Astana» fýtbol klýby merzimi aıaqtalǵan 2 oıynshynyń kelisimshartyn uzartty.
Sondaı-aq, synaqta júrgen 3 fýtbolshy bıylǵy maýsymda komanda quramynda oınaıtyn boldy. Atap aıtqanda, bas bapker Oleg Protasov baıyrǵy oıynshylardan Tańat Nóserbaev pen Alekseı Belkınmen budan ary qaraı da jumys júrgizýge yntaly bolyp otyr. Al synaqta júrgenderden bul joly Ulan Qonysbaev, Mýhtar Mýhtarov pen Sergeı Ostapenko bıyl «Astana» jeıdesin kıetin boldy.
Byltyr Ulan Qonysbaev Qaraǵandynyń «Shahter», Mýhtar Mýhtarov Shymkenttiń «Ordabasy», al Sergeı Ostapenko Taldyqorǵannyń «Jetisý» komandalarynda bolǵan edi. Olardyń qatarynan Ulan men Sergeı endi astanalyqtar sapyna qaıta oralyp otyr.
«Astananyń» jańa maýsymdaǵy Túrkııadaǵy alǵashqy oqý-jattyǵý jıyny erteń aıaqtalady. Olar búgin ekinshi joldastyq kezdesýin moldovandardyń «TsSKA-Rapıd».komandasymen ótkizýde.
