Astanalyq aıaqdopshylar Túrkııadaǵy ekinshi oqý-jattyǵý jıynyna attandy
ALMATY. 26 qańtar. QazAqparat /Erlik Erjanuly/ - Búgin «Astana» fýtbol klýby Túrkııadaǵy ekinshi oqý-jattyǵý jıynyn ótkizý úshin Antalııaǵa attanyp ketti.
Jıny 9 aqpanǵa deıin sozylmaq. Bas bapker Oleg Protasov komandaǵa bul joly qosalqy quramnan jartylaı qorǵaýshy Rınat Haırýllındi jáne qorǵaýshylar Dmıtrıı Kamınskıı men Pavel Halezovty qosyp otyr. Onda alǵashqy jıynǵa qatysqandardan - Qaırat Nurdaýletov, Muhtar Muhtarov, Marat Shahmetov, Ulan Qonysbaev, Tańat Nóserbaev, Nenad Erıch, Alekseı Belkın, Aleksandr Konochkın, Mark Gýrman, Mıhaıl Rojkov, Vıktor Dmıtrenko, Pıraly Alıev, Dýshan Petronıevıch, Sergeı Grıdın men Sergeı Ostapenko bolady. Al qaqpashy Denıs Ovsıannıkov, qorǵaýshy Damır Daýtov, jartylaı qorǵaýshy Islambek Qýat pen shabýylshy Denıs Prokopenko olardyń qataryna Sankt-Peterborda ótip jatqan «Dostastyq elderi» kýbogy týrnıri bitken soń 31 qańtarda qosylmaq.
