«Astanalyq» aıaqdopshylar syrt alańda Bolgarııanyń «Botevimen» qarymta kezdesý ótkizedi
ALMATY. 11 shilde. QazAqparat - Búgin túnde Bolgarııanyń Býrgas qalasynda «Astana» fýtbol klýby Plovdıv qalasynyń «Botev» komandasymen Eýropa lıgasynyń dárejelik raýndyndaǵy qarymta kezdesýin ótkizedi.
Astanalyqtardyń bas bapkeri Mıroslav Beranek bul joly Qaırat Nurdaýletov, Tańat Nóserbaev, Ulan Qonysbaev, Baýyrjan Islamhan, Marat Shahmetov, Foksı Ketevoama, Vıktor Dmıtrenko, Zelao, Nenad Erıch, Damır Koıashevıch jáne komandanyń jańa legıonerleri Blajo Igýmanovıch pen Sıserýǵa úmit artpaq.
Buǵan deıin olar óz alańynda qarsylasyna 0:1 esebimen ese jibergen bolatyn. Stanımır Stoılov baptaıtyn plovdıvtikter 2011/12 jylǵy maýsymda «B» tobynda 2-shi oryn alyp, «A» tobyna shyqqan bolatyn. 2013/2014 jylǵy maýsymda el chempıonatynda 16 komandanyń arasynda 4-shi orynda kele jatyr. Buǵan deıin ataýyn 11 ret ózgertken bul komanda qazirgi atyn 1989 jyly ıelengen bolatyn. Negizi 1912 jyly qalanǵan «Botev» óz tarıhynda 2 ret (1929, 1967) el chempıony, 2 ret kúmis (1963, 1986), 12 ret qola (1930, 1943, 1957, 1961, 1981, 1983, 1985, 1987-88, 1993-95) júldeger atanǵan kórinedi. Sondaı-aq 2 ret ( 1962, 1981) el kýbogyn ıelenip, 1972 jyly Balqan kýbogynyń jeńimpazy bolǵan.
