Astanalyq aıaqdopshylar Antalııada Reseıdiń «Sibir» jáne Moldovanyń «TsSKA-Rapıd» komandalarymen joldastyq kezdesýler ótkizedi
ALMATY. 9 qańtar. QazAqparat /Erlik Erjanuly/ - Túrkııada oqý-jattyǵý jıynyn ótkizip jatqan «Astana» fýtbol klýby 16 qańtarda Reseıdiń «Sibir» klýbymen joldastyq kezdesý ótkizedi.
Novosibirlikter Reseıdiń Ulttyq fýtbol lıgasynda alǵashqy 2 aınalymnyń qorytyndysy boıynsha 5-inshi orynda keledi. Shotlandııalyq Aleks Mıller jattyqtyratyn «Sibir» komandasy Túrkııanyń Sıde qalasyndaǵy oqý-jattyǵý jıynyn 4 qańtarda bastaǵan bolatyn. Ol 17 jeltoqsanǵa deıin sozylmaq. Novosibirlik aıaqdoshylardyń arasynda Ulttyq fýtbol lıgasynda mergenderdiń úzdik bestigine engen 2 oıynshy bar. Olar - shabýylshy Dmıtrıı Akımov pen jartylaı qorǵaýshy Maksım Astafev.
Bul, Oleg Protasov jattyqtyratyn astanalyqtardyń jańa maýsymǵa ázirlik kezindegi sheteldegi tuńǵysh jıyny. Jattyǵýlar 21 qańtarǵa deıin sozylady. Bul jıynda olardyń ekinshi joldastyq kezdesýi 20 qańtarda Kıshınev qalasynyń Joǵarǵy lıgada óner kórsetetin «TsSKA-Rapıd» komandasymen ótpek. Qazir Moldova aıaqdopshylary 17-inshi týrdan keıin 11-inshi orynda keledi. Bul olardyń qazaqstandyqtarmen osy maýsymda ótkizetin 3-inshi kezdesýi bolmaq. Eske salaıyq olar keshe Qaraǵandynyń «Shahterimen» kúsh synasqan edi. Al 18 qańtarda moldovalyqtar «Tarazben» kezdespek.
