Astanalyq avtobýs júrgizýshileriniń jalaqysy qyzmet kórsetý sapasyna qaraı tólenedi
ASTANA. QazAqparat - Búgin Astananyń kólik keshenin damytý máselelerine arnalǵan qoǵamdyq tyńdaýlar barysynda qala ákimi Áset Isekeshev avtobýs júrgizýshileriniń jalaqylaryn rettep alýdy tapsyrdy. Sebebi osy sanattaǵy mamandardyń tapshylyǵy baıqalady. Búginde elordaǵa bir jarym myń avtobýs júrgizýshisi kerek. QazAqparat tilshisine suhbat bergen jolaýshylar kóligi basqarmasynyń mindetin atqarýshy Bekmyrza Igenberdınov jalaqy máselesiniń qalaısha retteletini jaıynda aıtyp berdi.
«Negizi, búginde árbir avtoparktiń jalaqysy árqıly. Aldaǵy ýaqytta avtobýstardyń qyzmet kórsetý sapasyna qaraı jalaqynyń mólsherin belgileý kózdelip otyr. Osyǵan oraı, biz avtoparkterge jalaqy tóleýdiń jańa júıesin usynatyn bolamyz. Onda qyzmet kórsetý sapasyna qaraı avtobýs júrgizýshiniń jalaqysynyń tóleý qarastyrylǵan. Qazirgi kezde bizbárin sanap jatyrmyz. Shamamen, aqpan-naýryz aılarynda daıyndap qoıamyz», - deıdi Egenberdıev.
Onyń aıtýynsha, búginde astanalyq avtobýs júrgizýshileriniń jalaqysy 100-300 myńnyń aınalasynda. «Búginde biz bárine birdeı jalaqyny engizýdi kózdeımiz. Biraq qyzmet kórsetý sapasyna qaraı bireý kóp, bireý az alady. Degenmen, jalaqynyń tómengi deńgeıi 200-250 bolady degen jospar bar», - dep atap kórsetti Igenberdınov.
Aıta keteıik, qala basshysy Áset Isekeshev avtobýs qozǵalysyn tańǵy saǵat 6-ǵa deıin uzartýdy kózdeıdi. Ol úshin aldymen kólik júrgizýshileriniń tapshylyǵy máselesin sheship alý qajet.
