Astanalyq «Atameken» muraıjaı kúnine oraı túngi ýaqytta qyzmet istemek
ASTANA. 18 mamyr. QazAqparat/Aınur Kenebaeva/ - Búgin - halyqaralyq murajaı kúni. Osy merekege oraı «Atameken» Qazaqstan kartasy» etno-memorıaldyq kesheni «Atamekendegi juldyzdy tún» aktsııasyn ótkizý jóninde bastama kótergen bolatyn.
Sonyń aıasynda Astanalyq «Atameken» Qazaqstan kartasy» etno-memorıaldyq kesheni murajaı kúnine oraı 18 kúngi saǵat 10.00-den 19 kúngi saǵat 10.00-ge deıingi aralyqta, ıaǵnı túngi ýaqytta da qyzmet istemek.
Aıta ketelik, murajaıdy túnde tamashalaý tájirıbesi 1997 jyly Germanııadan bastaý alǵan bolatyn. «Murajaıdaǵy juldyzdy tún» halyqaralyq aktsııasyna «Atameken» Qazaqstan kartasy» etnokesheni 2009 jyly qosyldy.
«Atameken - Qazaqstan kartasy» kesheniniń dırektory Úmithan Muńalbaevanyń aıtýynsha, «Murajaıdaǵy juldyzdy tún» aktsııasy 172 eldiń tájirıbesine engen jáne jıi ótkizilip turady.
«Osyndaı mádenı sıpattaǵy tıimdi tájirıbeni júzege asyrýdaǵy maqsat - murajaıdy tek ǵylymı jáne mádenı-tanymdyq ortalyq retinde ǵana emes, sondaı-aq halyqtyń, sonyń ishinde jastardyń demalysyn qyzyqty ótkizýge múmkindik beretin, estetıkalyq talǵam qalyptastyratyn erekshe oryn retinde nasıhattaý», - dedi Úmithan Muńalbaeva.
