Astanalyq ata-analar balabaqshadaǵy tamaq sapasyn onlaın baqylaıtyn bolady

ASTANA. QazAqparat – Elorda bilim basqarmasy basshysynyń orynbasary Narıman Elamanov astanalyq ata-analarǵa balabaqshadaǵy tamaq sapasyn onlaın baqylaý múmkindigi usynylatynyn aıtty, dep habarlaıdy QazAqparat tilshisi.

«Elordada mektepke deıingi bilim berý uıymyna qabyldaý «INDIGO: Elektrondy balabaqsha» aqparattyq ónim arqyly balalardy mektepke deıingi uıymdarǵa tikeleı baılanyssyz jáne jyldam qabyldaýdy qamtamasyz etý maqsatynda 2022 jyldyń shildesinen bastap elektrondy tıptik kelisim-shart engizilgen.Balalardyń qatysýynyń ashyqtyǵyn tolyq baqylaý úshin ata-analarǵa sabaqqa qatysý jazbalaryn kórýge ruqsat berildi. Sonymen qatar bıyldan bastap «Elektrondy balabaqsha – Taǵamdy baqylaý» jobasyn engizý josparlanýda», - dedi ol óńirlik kommýnıkatsııalar qyzmetinde ótken brıfıngide.

Sondaı-aq, ol qaladaǵy bilim berý uıymdarynyń bári tsıfrlyq beınebaqylaýmen qamtamasyz etilgenin atap ótti.

«Barlyq kameralar men dabyl túımeleri Polıtsııa departamentiniń Jedel basqarý ortalyǵyna qosylǵan. Ornatylǵan kameralar barlyq talaptarǵa sáıkes keledi. Bilim berý obektilerinde qaýipsizdikti 1 sanattaǵy lıtsenzııasy bar, jeke kúzet kompanııalary qamtamasyz etedi. Sonymen qatar, barlyq bilim nysandary týrnıkettermen qamtamasyz etilgen», - dedi Narıman Elamanov.