Astanalyq áskerıler ardagerin ardaqtady
ASTANA. 3 shilde. QazAqparat - Elordanyń 15 jyldyq mereıtoıy qarsańynda Astana qalasy qorǵanys isteri jónindegi departamentinde ardagerler uıymdarynyń ókilderi men departament jeke quramy qatysqan dóńgelek ústel ótkizildi.
«Oǵan Uly Otan soǵysynyń ardageri Mıhaıl Kýlıkov arnaıy shaqyryldy. Atalǵan ıgi sharanyń maqsaty - áleýmettik-quqyqtyq oń ahýaldyń qalyptasýyna yqpal etý, osyndaı aıtýly mereke kúnderi ardagerlerdi umytpaı, jastarǵa qarttardyń jaýyngerlik erlikterin nasıhattaý. Jastardy otansúıgishtikke, antqa adal bolýǵa tárbıeleý.
Іs-shara elimizdiń ánuranymen ashylyp, áskerı-patrıottyq turǵydan tálim-tárbıesi mol rýhanı qundylyqtar týraly áńgime órbidi, Astana týraly beınerolık kórsetilip, albomdar taratyldy»,-delingen QR Qorǵanys mınıstrligi baspasóz qyzmetiniń málimetinde.
Ardager Mıhaıl Kýlıkov Aqmola oblysy qurylǵan sátten bastap osy ýaqytqa deıingi kezeńdegi Astana tarıhyn áńgimeledi, Aqmola oblysynan maıdanǵa attanǵan azamattar, olardyń erlikteri týraly mol aqparat berdi. Jeke quramdy qyzyqtyrǵan suraqtarǵa jaýap berip, ómiriniń estelikterinen syr shertti.
Astana qalasy qorǵanys isteri jónindegi departamenti bastyǵynyń mindetin ýaqytsha atqarýshy polkovnık Baqtııar Pernebekov dóńgelek ústelge qatysqan qonaqtarǵa «Astana» kitabyn tabys etti.
