Astanalyq arý TNT telearnasyndaǵy bı shoýynyń qazylaryn tańǵaldyrdy FOTO/VIDEO
ASTANA. QazAqparat - Astana turǵyny Mádına Beısekeeva Novosibir qalasynda ótken TNT telearnasynyń «Tantsy» shoýynyń kastınginen ótti.
Mádına vakıng stılinde bı bılep, jobanyń qazylar alqasyn óziniń horeografııalyq ónerimen tańǵaldyrdy.
«Barlyǵynyń meniń ónerime osynshama qoshemet bildirgenine qatty tańdanyp otyrmyn! Qanshama jyly, jaǵymdy, jáne eń bastysy, shabyttandyratyn sózder aıtyldy! Hattar men pikirlerdiń kóp bolǵany sonshalyq, olardy oqyp úlgermeı júrmin. Dostaryma, árqaısylaryńyzǵa úlken rahmet!» - dep jazdy ol VKontakte áleýmettik jelisindegi akkaýntynda.
