Astanalyq arý álemdegi eń úzdik fotomodelderdiń bestigine endi (FOTO)
ASTANA. QazAqparat - Astanalyq arý Anna Levıtskaıa Túrkııadan jeńispen oraldy. Photomodel of the Universe sulýlyq baıqaýynda ol álemniń úzdik fotomodelderiniń bestigine endi. Princess Of the Globe-ta jerlesimiz sýretke túsýge eń beıim model dep tanylypty.
Anna Levıtskaıa sán ındýstrııasy álemine jańadan qadam basyp jatqan joq, 2012 jyly «Astananyń Ekinshi vıtse-mıss» tıtýlyn jeńip alǵan bolatyn.
«Túrkııadaǵy baıqaý týraly mende de tek jaqsy estelikter qaldy», - deıdi model. - Bizdi besjuldyzdy qonaq úıge jaıǵastyrdy, bos ýaqytymyz kóp boldy, kúnge qyzdyrynyp, sýǵa túsip, demalyp úlgerdik. Ekskýrsııalar boldy. Baıqaý tek eresekter arasynda emes, sonymen birge talantty balalar arasynda da boldy. Men analardyń tamasha energetıkasynan kúsh-jiger alamyn. Óz balalarymmen de osy sııaqty sharalarǵa qatysamyn dep oılaımyn».
Qazir Anna defıle boıynsha jattyqtyrýshy, model bolyp jumys isteıdi. Sonymen birge, ol PrimaVera agenttigi dırektorynyń orynbasary. Elordalyq sulý dızaınerlik kollektsııasy men jańa bastaýshy modelderimen jasaǵan jumystaryn jańa jyl qarsańynda tanystyrýdy josparlap otyr.
