Astanalyq ártister «Azııa jańǵyryǵy» halyqaralyq festıvalinde top jardy
ASTANA. QazAqparat - Astana tsırkiniń ártisteri «Azııa jańǵyryǵy» halyqaralyq festıvalinde bas júldeni enshiledi, dep habarlady www.24.kz.
Nazerke Merekeqyzy men Eka Qońyrbaeva álemde oryndalý jaǵynan eń kúrdeli ári qyzdar oryndaı qoımaıtyn trıýkti pash etti. Ekvılıbrı janrynda óner kórsetken qyzdardyń biri Nazerke Merekeqyzynyń bul úlken tsırk arenasyndaǵy debıýti eken.
,«Bizdiń nómirdiń aty shteın-trape. Ekvılıbrdiń bir túri. Bul shteın-trapede kóbinese balanspen jumys jasaımyz. Tepe-teńdikpen. Rekordty trıýkter bar. 12 metr bıiktikke jumys jasaımyz jáne bul kúnge deıin qyzdar bul nómirdi jasamaǵan», - deıdi tsırk ártisi Nazerke Merekeqyzy.
Bul festıval osymen toǵyzynshy jyl qatarynan ótkizilip otyr. Óner saıysyna 8 elden tsırk ártisteri kelgen. Olardyń arasynda Mońǵolııa, Túrikmenstan, Reseı, Belarýs jáne Qyrǵyzstan men Nıderland akrobattary bar. Sıqyrshylar men kloýndar jáne ekvılıbrıster de osy ortadan tabyldy.
