Astanalyq ardagerler tyl eńbekkerlerin UOS qatysýshylaryna teńestirip, «soǵys balalary» jańa termınin engizýdi usyndy
Búgin Astana ákimdiginde elorda basshysy Imanǵalı Tasmaǵambetovtyń qatysýymen qalalyq ardagerler uıymynyń ІH esep berý-saılaý konferentsııasy ótti.
Onyń barysynda Ardagerler uıymynyń tóraǵasy Qýanysh Alpysbekov, tyl eńbekkerlerin zeınetaqy men jeńildikter boıynsha UOS qatysýshylaryna teńestirýdi usyndy.
«Otan soǵysynyń qatysýshylary dúnıeden ozǵan saıyn, tyl eńbekkerleriniń problemalary aldyńǵy kezekke shyǵyp keledi. Olardyń eń jasy búginde 75-ten asyp otyr. Áskerı qımyldarǵa qatysqan ardagerlerimiz sııaqty olardyń da qatary sırep barady», - dedi ol.
Sondaı-aq Q.Alpysbekov, 1936-1945 jyldary týǵan qarııalar úshin «soǵys balalary» termınin engizip, olarǵa jeke mártebe berý bastamasyn kóterdi.
«Tyl eńbekkerleri retinde járdemaqyny 1936 jylǵa deıin týǵan azamattar alyp otyr. Shyntýaıtynda, olardyń sol kezdegi jastaryn eskersek, olar tyl eńbekkerleri bola almaıdy. Negizinen olar «soǵys balalary». Qazir bizde mundaı uǵym men dáreje joq. Bul eki uǵym arasynda eshbir aıyrma joq. Negizinde 1936-1945 jyldary týǵan balalar, tyl eńbekkerleriniń mańdaıyna tıgen aýyr kezeńderdi bastan ótkerdi. Aldaǵy kezekti sezde Úkimetke «soǵys balalary» arnaıy termınin engizý usynysyn jasaý qajet. «Soǵys balalary» bul -ákesiz, tipti ata-ananyń ekeýinen de aıyrylǵan balalar. Zardap shekken, qartaıǵan «soǵys balalary» memleketten odan da súbeli kómekter men qoldaýlardy kútedi», - dep túıindedi sózin ol.